У Магілёве аб'явілі фотаконкурс «Магілёў - мой горад», прысвечаны абласному цэнтру. Яго арганізатарамі выступілі Магілёўскі гарвыканкам і Цэнтралізаваная сістэма дзяржаўных публічных бібліятэк Магілёва.
Фотаконкурс праводзіцца па трох намінацыях: «Прагулкі па Магілёве», «Магілёў у асобах», «Магілёў гераічны». Удзельнічаць у творчым спаборніцтве могуць як прафесійныя фатографы, так і аматары. Узроставых абмежаванняў няма.
Конкурсныя работы прымаюцца да 15 чэрвеня ўлучна. Для ўдзелу трэба накіраваць фотаработы з запоўненай па форме заяўкай з паметкай «Фотаконкурс» ва ўстанову культуры «Цэнтралізаваная сістэма дзяржаўных публічных бібліятэк г. Магілёва» па адрасе: вул. Першамайская, 30. Можна накіраваць і па электроннай пошце csgpb@csgpb.by. Ад аднаго ўдзельніка прымаецца да чатырох прац.
Пераможцаў конкурсу ўзнагародзяць 30 чэрвеня падчас святочных мерапрыемстваў, прысвечаных Дню горада. Яны атрымаюць грашовыя прэміі. Усе ўдзельнікі конкурсу стануць уладальнікамі дыпломаў.
Заяўку і больш падрабязную інфармацыю можна знайсці на сайце Цэнтралізаванай сістэмы дзяржаўных публічных бібліятэк горада Магілёва. Кантактны тэлефон: 8 (0222) 71-21-39.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»