Тры новыя турыстычныя маршруты распрацуюць у Магілёўскім раёне

Тры новыя турыстычныя маршруты распрацуюць сёлета ў Магілёўскім раёне. Аб гэтым паведамілі ў сектары спорту і турызму Магілёўскага райвыканкама.

«Прыярытэтным напрамкам турызму ў раёне з'яўляецца аграэкатурызм, таму ў бягучым годзе з прыцягненнем каларытных аграэкасядзіб плануецца стварыць гастранамічны маршрут, - адзначылі ў сектары спорту і турызму. - Таксама мы працуем над увядзеннем прамысловага маршруту, які важны ў тым ліку і для прафарыентацыі навучэнцаў. У Год міру і стварэння ў нас з'явіцца новы маршрут ваенна-патрыятычнай тэматыкі з наведваннем брацкіх магіл раёна, якія ўваходзяць у спіс гісторыка-культурных каштоўнасцяў Беларусі».

Сёння ў Магілёўскім раёне дзейнічаюць 16 турыстычных маршрутаў, у сярэднім за год абнаўляюцца або распрацоўваюцца яшчэ адзін-два. Ужо існуючыя маршруты маюць розныя напрамках. Сярод іх ёсць экалагічныя, напрыклад водныя (байдарачныя), веласіпедныя (у тым ліку ў рамках кластара «Край жыватворных крыніц»), культурна-пазнавальныя (з этнаграфічным ухілам), ваенна-патрыятычныя.

«Маршруты апошняй накіраванасці непасрэдна звязаны з такімі памятнымі і значнымі месцамі Магілёўскага раёна як мемарыяльны комплекс «Буйніцкае поле» і помнік батальёну міліцыі капітана К.Г.Уладзімірава паблізу вёскі Гаі», - заключылі ў райвыканкаме.

БЕЛТА