Тры пажары ў Магілёве, Бабруйскім і Горацкім раёнах адбыліся за суткі ў вобласці. 15 разоў ратавальнікі выязджалі на тушэнне сухой расліннасці. Работнікамі МНС выратавана 2 будынкі. Пра гэта паведамілі ў Магілёўскім абласным УМНС.
Неспакойнай выдалася ноч 12 красавіка для некаторых жыхароў пяціпавярховага жылога дома па вул. Арлоўскага ў Магілёве. Каля 2 гадзін ночы 56-гадовы гаспадар двухпакаёвай кватэры прачнуўся ад задушлівага паху. На ложку гарэла пасцельная бялізна, тлеў матрац. Мужчына паспрабаваў самастойна патушыць агонь, але пачаў задыхацца і паспяшаўся эвакуіравацца. Ад суседзяў выклікаў ратавальнікаў. Па словах супрацоўнікаў Магілёўскага абласнога УМНС, ачаг узгарання папярэдне ўказвае на тое, што да пажару прывяло курэнне ў ложку.
Увечары 11 красавіка меркавана з-за дзіцячага свавольства з агнём загарэўся хлеў, размешчаны ў аг. Паршына Горацкага раёна. Дах будынка гарэў адкрытым полымем.
Яшчэ адна пабудова гарэла ў в. Вішнёўка Бабруйскага раёна. У выніку пажару дачнай хаты знішчаны дах, пашкоджаныя сцены, перакрыцце і. Мясцовыя жыхары знайшлі гарэнне, калі дом ужо гарэў. Прычына ўзгарання высвятляецца.
Рэд.
