Турнір «Кубак двара» збярэ ў Магілёве больш за 140 юных футбалістаў

У Магілёве 24 верасня пройдзе традыцыйны дзіцячы футбольны турнір «Кубак двара» памяці заслужанага трэнера БССР, ветэрана Вялікай Айчыннай вайны Мікалая Падшываленкі. Пра гэта расказала інструктар-метадыст па фізкультурна-аздараўленчай і спартыўна-масавай рабоце Магілёўскага гарадскога фізкультурна-спартыўнага клуба Анастасія Максімава.

У спаборніцтвах прымуць удзел звыш 20 каманд - усяго больш за 140 юных футбалістаў. «Сярод удзельнікаў - дзве ўзроставыя групы: 2012-2013 і 2014-2015 гадоў нараджэння. Сярод удзельнікаў ёсць і хлопцы, якія знаходзяцца на розных відах уліку», - патлумачыла Анастасія Максімава.

Заснавальнікам турніру быў Мікалай Падшываленка, а зараз яго традыцыі падтрымліваюць ужо больш за 10 гадоў. «Задачы турніру - выявіць таленавітых хлопчыкаў і дзяўчынак для далейшага прасоўвання, прапагандаваць здаровы лад жыцця, арганізаваць вольны час дзяцей і падлеткаў, уцягнуць моладзь у футбол, забяспечыць ім доступ да спорту, знайсці наймацнейшыя каманды і, вядома, умацаваць здароўе ўдзельнікаў», - расказала інструктар-метадыст.

Пераможцы і прызёры ў кожнай узроставай групе атрымаюць кубкі, медалі і дыпломы. Таксама будуць уручаны індывідуальныя ўзнагароды: «Лепшы варатар», «Лепшы абаронца», «Лепшы нападаючы» і «Лепшы бамбардзір».

БЕЛТА