Рус Бел Eng 中文

«Тыдзень дабра» праводзяць актывісты БРСМ у Магілёўскай вобласці

Магілёўскі абласны камітэт ГА «БРСМ» у межах рэспубліканскай дабрачыннай акцыі «Мы выбіраем дапамогу пажылым людзям» у Магілёўскай вобласці правядзе «Тыдзень дабра». Пра гэта паведаміла прадстаўнік арганізацыі Анжаліка Яўных.

«Дабрачынныя мерапрыемствы пройдуць з 15 да 22 мая і ахопяць раёны Магілёўскай вобласці, – заўважыла суразмоўца. – Валанцёры БРСМ «Добрае сэрца» акажуць адрасную бязвыплатную дапамогу адзінокім людзям, ветэранам Вялікай Айчыннай вайны і працы I і II групы».

Так, 19 мая ў горадзе Круглае хлопцы зробяць генеральную ўборку дома ў былой непаўналетняй вязніцы Ганны Ценевай. У гэты ж дзень у Бабруйску валанцёры БРСМ ААТ «Белшына» пафарбуюць плот пажылой адзінока пражываючай Праскоўі Сямёнавай. У Магілёве моладзь прыбярэ на прысядзібным участку вязніцы Анастасіі Кавалёвай.

У сераду, 20 мая, у вёсцы Слабада Бабруйскага раёна актывісты высекуць кусты, траву пакосяць, пафарбуюць агароджу пенсіянерцы Ірыне Рыбачонак. У Асіповічах валанцёрскі атрад наведае ветэрана працы Галіну Шор. Хлопцы і дзяўчаты навядуць парадак на зямельным участку і дапамогуць у дастаўцы прадуктаў харчавання і лекавых сродкаў на дом. Дапамогу ў гэты дзень акажуць пажылым людзям у Шклоўскім і ў Слаўгарадскім раёнах.

У чацвер, 21 мая, у пасёлку Усходні Круглянскага раёна валанцёры дапамогуць навесці парадак на прылеглай тэрыторыі да дома вязніцы Евы Кубека.

«Тыдзень дабра» актывісты скончаць 22 мая добраўпарадкаваннем тэрыторыі каля Дома ветэранаў.

Паводле слоў Анжалікі Яўных, уся дапамога будзе ажыццяўляцца на бяспечнай адлегласці, валанцёры будуць цалкам забяспечаны сродкамі індывідуальнай абароны.

Акрамя таго, працягваюць працу гарачыя моладзевыя лініі ў кожным раённым камітэце БРСМ. Тэлефон абласной гарачай лініі – 80222 76 67 82.

Пры выкарыстанні матэрыялаў актыўная гіперспасылка на mogilev-region.gov.by абавязковая