У графіку Прэзідэнта Беларусі Аляксандра Лукашэнкі на бліжэйшы тыдзень запланавана серыя камандзіровак па краіне. Такую інфармацыю агучылі ў эфіры навін «Беларусь 1».
«Наперадзе серыя камандзіровак. Увесь тыдзень будзе раз'язны. І традыцыйная «чарнобыльская паездка» таксама запланавана ў графіку Першага», - расказалі ў эфіры праекта «Час Першага».
У прыватнасці, адзначылі журналісты, кіраўнік дзяржавы плануе пабываць у Магілёўскай вобласці. Як растлумачыў кіраўнік Адміністрацыі Прэзідэнта Дзмітрый Крутой, Аляксандр Лукашэнка мае намер комплексна паглядзець тры рэгіёны.
«Ні для каго не сакрэт, што Магілёўская вобласць пакуль знаходзіцца ў другой частцы турнірнай табліцы па тэме малочнай жывёлагадоўлі. Мы за зіму з губернатарам, прыцягнутымі спецыялістамі склалі праграму развіцця да 2030 года ў разрэзе абсалютна ўсіх гаспадарак, усіх жывёлагадоўчых аб'ектаў і комплексаў. Прэзідэнту пакуль рамачна плануем на месцы далажыць аб контурах гэтай будучай праграмы, якая стане адным з важных элементаў рэгіянальнай праграмы пяцігодкі па Магілёўскай вобласці», - адзначыў Дзмітрый Крутой.
Пры выкарыстанні матэрыялаў актыўная гіперспасылка на mogilev-region.gov.by абавязковая
26.06.2025 - 09:16
23.06.2025 - 16:59
