У Беларусі да 80-годдзя Перамогі стартаваў конкурс дзіцячага малюнка «Нам свет завешчана берагчы»

Беларускае грамадскае аб'яднанне ветэранаў са студзеня па красавік 2025 года праводзіць конкурс дзіцячага малюнка «Нам свет завешчана берагчы", прысвечаны 80-годдзю Перамогі савецкага народа ў Вялікай Айчыннай вайне. Аб гэтым паведамілі ў прэс-службе Міністэрства працы і сацыяльнай абароны.

Як расказалі ў ведамстве, асноўная задача конкурсу - прадоўжыць работу па захаванні і ўвекавечанні памяці, гераізму і мужнасці савецкіх воінаў у гады Вялікай Айчыннай вайны, а таксама памяці аб ахвярах вайны і халакоста на тэрыторыі Беларусі.

Прыняць удзел у конкурсе могуць навучэнцы ўстаноў дадатковай адукацыі дзяцей і моладзі, а таксама юнакі, якія атрымліваюць агульную сярэднюю адукацыю. Па стане на 1 студзеня 2025 г. удзельнікам павінна быць ад 7 да 15 гадоў.

Да 25 лютага ў раённыя ветэранскія арганізацыі (па месцы жыхарства) прымаюцца аўтарскія (не калектыўныя) работы. Абавязкова прымаецца адна праца ад аднаго аўтара (калектыўныя працы журы не ацэньвае) на аркушы фармату А3. У Міністэрстве адзначылі, што дапускаецца любая тэхніка выканання малюнка.

Патрабаванні да афармлення малюнка і тэмы конкурсных матэрыялаў размешчаны на сайце Мінпрацы. Фінал конкурсу пройдзе ў красавіку - маі 2025 года.

БЕЛТА