RU BY EN 中文
Twitter Instagram

У Беларусі павялічаны нормы выдаткаў на харчаванне ў сярэдніх школах – вучылішчах алімпійскага рэзерву

У Беларусі павялічваюцца нормы выдаткаў на харчаванне для навучэнцаў у сярэдніх школах–вучылішчах алімпійскага рэзерву. Гэта прадугледжана пастановай Міністэрства спорту і турызму № 28 ад 10 жніўня 2020 года, якая сёння афіцыйна апублікавана на Нацыянальным прававым інтэрнэт-партале.

Згодна з дакументам, норма выдаткаў у дзень на аднаго навучэнца пры арганізацыі харчавання ў сталовай, якая з’яўляецца структурным падраздзяленнем сярэдняй школы – вучылішча алімпійскага рэзерву,на ўзроўні агульнай сярэдняй адукацыі на II ступені павялічана да Br10,95 уключна (раней – Br10,43), на III ступені – да Br13,81 (раней – Br13,16). На ўзроўні сярэдняй спецыяльнай адукацыі гэта норма ўзрасла да Br15,97, раней яна складала Br15,21.

Што тычыцца арганізацыі харчавання з прыцягненнем юрыдычных асоб і (або) індывідуальных прадпрымальнікаў, якія ажыццяўляюць грамадскае харчаванне, нормы выдаткаў на харчаванне таксама павялічаны. Так, на ўзроўні агульнай сярэдняй адукацыі на II ступені гэта норма ўзрасла да Br14,23, на III ступені – да Br17,95, а на ўзроўні сярэдняй спецыяльнай адукацыі – да Br20,77 уключна.

Пастанова ўступае ў сілу з 1 верасня бягучага года.

БЕЛТА
 

 

Пры выкарыстанні матэрыялаў актыўная гіперспасылка на mogilev-region.gov.by абавязковая