У Беларусі ўдасканалены падыход да адбору, навучання і выхавання кадэтаў

Прэзідэнт Беларусі Аляксандр Лукашэнка 4 красавіка падпісаў указ № 132, накіраваны на ўдасканаленне падыходаў да адбору, навучання і выхавання моладзі ў кадэцкіх вучылішчах. Аб гэтым карэспандэнту паведамілі ў прэс-службе беларускага лідэра.

Дакумент прадугледжвае ўнясенне змяненняў у палажэнне аб кадэцкім вучылішчы. У прыватнасці, павялічваюцца тэрміны вучэбна-палявых збораў для вучняў VIII і X класаў з 5 дзён (30 гадзін) да 10-12 дзён (60-72 гадзін). Медыцынская даведка, якая выдаецца дзяржаўнай арганізацыяй аховы здароўя, дапаўняецца звесткамі аб адсутнасці медыцынскіх супрацьпаказанняў да навучання і выхаванні ў кадэцкім вучылішчы.

Канкрэтныя тэрміны правядзення збораў і пералік супрацьпаказанняў да навучання ў кадэцкім вучылішчы будуць вызначаны міністэрствамі адукацыі і аховы здароўя.

Указ будзе садзейнічаць развіццю ваенна-патрыятычнага выхавання кадэт і папулярызацыі адукацыі ў інтарэсах органаў нацыянальнай бяспекі.

БЕЛТА