У Беларусі ўстаноўлены новы памер сямейнага капіталу

Адна з самых чаканых навін года для шматдзетных бацькоў. У Беларусі ўстаноўлены новы памер сямейнага капіталу.

Прыкметная прыбаўка - плюс 5% да мінулага года, а калі ў рублях, то гэта звыш 1,5 тыс.

Такім чынам, цяпер сем'ям пры нараджэнні або ўсынаўленні трэцяга або наступнага дзіцяці належыць без малога 31,5 тыс.

Праграма дзейнічае ў краіне з 2015 года. За гэты час адкрыта амаль 134 тыс. дэпазітных рахункаў. А датэрмінова скарыстацца сродкамі пажадалі каля 78 тыс. сем'яў.

Праграма даказвае сваю эфектнасць лічбамі. Год ад года колькасць шматдзетных сем'яў у краіне павялічваецца. Сёння такіх сем'яў больш за 123,5 тыс.

Сацыяльная падтрымка заўсёды ў прыярытэце палітыкі нашай краіны. Моцная і шчаслівая сям'я - нацыянальны прыярытэт Беларусі. Сямейны капітал - гэта дзяржпадтрымка, якая дае яшчэ больш магчымасцяў вялікім сем'ям. Праграма дапамагае бацькам вырашаць жыллёвыя пытанні, аплачваць адукацыю і атрымліваць медыцынскія паслугі.

Святлана Белаш, начальнік упраўлення народанасельніцтва, гендэрнай і сямейнай палітыкі Міністэрства працы і сацабароны Беларусі:

- Памер сямейнага капіталу вызначаецца на дату нараджэння трэцяга або наступнага дзіцяці, або на дату ўсынаўлення дзіцяці і не залежыць ад даты звароту за ім. Адпаведна, тыя дзеці, якія будуць народжаныя ў перыяд з 1 студзеня па 31 снежня 2024 года - на іх сямейны капітал будзе прызначацца ў памеры 31480 рублёў. Дзеці, якія нарадзіліся да 31 снежня 2023 года ўключна - на іх сямейны капітал прызначаецца ў памеры 29 950 рублёў.

Як растлумачылі ў ведамстве, памер сямейнага капіталу падлягае штогадовай індэксацыі, з улікам велічыні інфляцыі.

БТ