У Беларусі змяніліся тарыфы на паслугі паштовай сувязі агульнага карыстання

У Беларусі змяніліся тарыфы на паслугі паштовай сувязі агульнага карыстання Гэта вынікае з пастановы Міністэрства антыманапольнага рэгулявання і гандлю ад 18 чэрвеня 2025 года №43, апублікаванай на Нацыянальным прававым інтэрнет-партале Рэспублікі Беларусь.

Згодна з дакументам, уносяцца змяненні ў пастанову МАРГ ад 15 верасня 2023 года нумар 60 «Аб тарыфах на паслугі паштовай сувязі агульнага карыстання». Так, фіксаваныя тарыфы для фізічных асоб (акрамя індывідуальных прадпрымальнікаў) на адпраўку паштовай карткі складуць Br0,86 замест Br0,70, лісты або бандэролі вагой да 20 г - Br0,86 замест Br0,70. Кожныя наступныя поўныя або няпоўныя 20 г будуць дабаўляць да кошту яшчэ Br0,07 замест Br0,06.

Таксама змяніліся тарыфы на паслугі паштовай сувязі агульнага карыстання для юрыдычных асоб і ІП. Згодна з пастановай, кошт перасылкі карэспандэнцыі да 20 г складзе Br0,72 замест Br0,58, а кожная дадатковая вага будзе ацэньвацца ў Br0,06 замест Br0,05.

Пастанова ўступае ў сілу пасля яе афіцыйнага апублікавання.