У межах раённага фестывалю «Бялыніцкая тэатральная восень» ва ўсіх клубных установах раёна пайшлі тэматычныя спектаклі і тэатральныя пастаноўкі.
Адкрыў праграму народны тэатр мініяцюр «Імпульс» раённага цэнтра культуры з літаратурна-музычнай кампазіцыяй па творах аўтараў Бялыніцкай зямлі «Роднаму краю прысвячаецца».
Тэатральны калектыў Ланькаўскага Цэнтра культуры прадставіў пастаноўку па п’есе Эвеліны Піжэнка «Бабанькі». Рэжысёр Святлана Камлева выбрала яе невыпадкова, бо яна – пра падзеі часоў Вялікай Айчыннай, пра лёсы жанчын, якія засталіся ў тыле і неслі на сваіх далікатных плячах усе нягоды ваеннага ліхалецця.
Удзельнікі тэатральнага калектыву Вішоўскага Цэнтра культуры Валерый Чужаўко і Роза Казакова паставілі спектакль «Дэзерцір» па аповесці бялыніцкага пісьменніка Міхаіла Карпечанкі. А Людміла Каралёва душэўна прадэкламавала баладу «Маці» Аркадзя Куляшова.
– Наш фестываль – аб вайне, патрыятызме, традыцыях, любові да сваёй зямлі. Пра ўсё тое, што нам дорага, што мы павінны шанаваць і перадаць будучым пакаленням. Дарэчы, у пастаноўках былі задзейнічаны людзі розных пакаленняў: школьнікі, настаўнікі, работнікі сельгаспрадпрыемстваў, пенсіянеры, – падкрэсліла загадчыца метадычнага аддзела цэнтралізаванай клубнай сістэмы Бялыніцкага раёна Алеся Белязяка.
СБ, фота ЦКС Бялыніцкага раёна
Пры выкарыстанні матэрыялаў актыўная гіперспасылка на mogilev-region.gov.by абавязковая
03.05.2024 - 09:24
02.05.2024 - 17:40
Каля 100 творчых работ прадставілі на інклюзіўным міжнародным арт-праекце «Пяць пачуццяў» у Магілёве
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»