У Быхаўскім раёне ратавальнікі дапамаглі знайсці дарогу дадому 82-гадоваму грыбніку

27 верасня ўвечары, каля 10 гадзін, у службу МНС патэлефанавала ўсхваляваная жыхарка пасёлка Цяшэм'е Быхаўскага раёна і паведаміла, што яе 82-гадовы муж заблудзіўся ў лесе.

Пенсіянерка патлумачыла, што муж пайшоў у лес каля 15 гадзін дня, а потым патэлефанаваў ёй і паведаміў, што заблудзіўся. Яны яшчэ некаторы час падтрымлівалі сувязь, але пазней тэлефон стаў недаступны.

Пошук неадкладна пачалі ратавальнікі, міліцыя і сыны страціўшагася грыбніка. Удзельнічала 2 адзінкі тэхнікі і 6 чалавек, у тым ліку ад МНС 1 адзінка тэхнікі і 3 чалавекі.

У 23:25 пенсіянера знайшлі ратавальнікі: Аляксандр Архіпаў, Раман Чарняўскі і Уладзімір Есьман.

Па словах старэйшага інструктара-выратавальніка ПАСП-16 Быхаўскага РАНС Аляксандра Архіпава:

«Жонка мужчыны, які страціўся, нам прыкладна апісала квадрат пошукаў. Сітуацыя пагаршалася шчыльным туманам. Рухаючыся на аўтамабілі, мы падавалі сігнал гучнагаварыцельнай прылады. І пошукі далі свае станоўчыя вынікі: грыбнік выйшаў з ляснога гушчару на гук. Дзядуля не пацярпеў і перш за ўсё папрасіў не рассыпаць і не пакамячыць грыбы. Мы адвезлі пенсіянера разам з грыбамі дадому на радасць жонцы, якая зачакалася».

Рэд.