У Чавускі лясгас прыбылі маладыя спецыялісты

У Чавускім лясгасе маладое папаўненне працуе з пачатку жніўня. Дзяўчаты і хлопцы паступова асвойваюцца, прывыкаюць да першага працоўнага месца, спазнаюць спецыфіку прафесіі на практыцы.

Кіраўнік лесагаспадарчай установы Аляксандр Падабед сустрэўся з маладымі спецыялістамі і пацікавіўся першымі ўражаннямі ад працы, а таксама ўмовамі пражывання.

Дырэктар лясгаса расказаў хлопцам пра спецыфіку працы ў гаспадарцы, адзначыўшы, што ў гэтым кірунку выпадковых людзей быць не павінна. Аляксандр Падабед лічыць, што да прафесіі і сваіх абавязкаў трэба ставіцца сур’ёзна.

За кожным маладым спецыялістам замацаваны настаўнік, гэта вопытныя работнікі лясгаса, якія будуць дапамагаць моладзі ў набыцці неабходнага вопыту і асваення тонкасцяў прафесіі.

Па матэрыялах chausynews.by