У ЦВК расказалі, чаму колькасць бюлетэняў ва ўсіх рэгіёнах будзе рознай

У час круглага стала на тэму «Асаблівасці правядзення маючай адбыцца выбарчай кампаніі» ў прэс-цэнтры БЕЛТА сакратар Цэнтральнай выбарчай камісіі Рэспублікі Беларусь Алена Балдоўская расказала, чаму колькасць бюлетэняў ва ўсіх рэгіёнах будзе рознай.

«У адзіны дзень галасавання мы будзем выбіраць дэпутацкі корпус усёй краіны: 110 дэпутатаў Палаты прадстаўнікоў і 12 514 дэпутатаў мясцовых Саветаў усіх трох тэрытарыяльных узроўняў: пярвічнага, базавага і абласнога. Асаблівасцю адзінага дня галасавання з'яўляецца тое, што ўпершыню ўсіх дэпутатаў мы выбіраем у рамках адной выбарчай кампаніі», - расказала Алена Балдоўская.

Колькасць бюлетэняў ва ўсіх рэгіёнах будзе рознай. «Па Мінску гэта будуць бюлетэні па выбарах у Палату прадстаўнікоў і ў Мінскі гарадскі Савет дэпутатаў, - удакладніла сакратар ЦВК. - У сельскай мясцовасці іх будзе мінімум 4. Магчымы нават варыянты, калі іх будзе 5 або 6, калі на ўчастак, дапусцім, трапляе 2 або 3 сельскія акругі».

БЕЛТА