У Дзень стварэння магілёўскай міліцыі ў Ленінскім РАУС горада цёпла павіншавалі ветэрана райаддзела

Кіраўніцтва Ленінскага РАУС Магілёва павіншавала са знамянальнай датай ветэрана райаддзела. Пра гэта расказала афіцыйны прадстаўнік Ленінскага РАУС Алена Сіманава:

– 19 мая супрацоўнікі нашага райаддзела традыцыйна адзначаюць асаблівую для ўсіх праваахоўнікаў рэгіёна дату – Дзень стварэння Магілёўскай міліцыі. Не забыўся наш калектыў і пра ветэранскую арганізацыю, якая штогод уносіць вялікі ўклад у прафесійнае выхаванне маладых супрацоўнікаў, перадае ім свой багаты жыццёвы вопыт.

Начальнік Ленінскага РАУС Магілёва палкоўнік міліцыі Віктар Нікіфараў і намеснік начальніка па ідэалагічнай працы і кадравым забеспячэнні маёр міліцыі Аляксей Шакун павіншавалі са святам старшыні ветэранскай арганізацыі аддзела ўнутраных спраў падпалкоўніка міліцыі ў запасе Аляксандра Бурлакова.

Віктар Нікіфараў адзначыў:

– Змяняюцца пакаленні супрацоўнікаў, якія закліканы стаяць на варце закона і спакою нашых грамадзян і выканалі да канца свой службовы абавязак і абавязак неадкладна прыйсці на дапамогу кожнаму. Але незаменным застаецца ўклад, які ўнёс кожны ў агульную справу па захаванні правапарадку. Дзякуй, што не забываеце пра сваіх маладых калег, перадаяце ім свой бясцэнны службовы вопыт, па-ранейшаму служыце літары закона!

Намеснік начальніка па ідэалагічнай рабоце і кадравым забеспячэнні далучыўся да слоў кіраўніка:

– Жадаем Вам і вашаму ветэранскаму калектыву заставацца здаровымі, поўнымі энергіі і сіл, атрымаць на сваім жыццёвым шляху яшчэ нямала перамог! Хай побач з Вамі заўсёды будуць надзейныя і верныя таварышы, родныя і блізкія, а сённяшняе свята сагрэе віншаваннямі і ўсмешкамі!

Расчулены Аляксандр Аляксандравіч прыняў ад кіраўнікоў Ленінскага РАУС Ганаровую грамату за асабісты ўклад у развіццё ветэранскага руху, а таксама за вялікую працу па духоўна-маральным выхаванні супрацоўнікаў органа ўнутраных спраў, актыўны ўдзел у грамадскім жыцці і ў гонар 104-ай гадавіны з Дня ўтварэння органаў унутраных спраў Магілёўскай вобласці. Таксама яму ўручылі памятны падарунак.

Ветэран у сваю чаргу таксама павіншаваў міліцыянераў, уручыўшы Віктару Віктаравічу памятны адрас:

– Мне прыемна адчуваць сябе часткай зладжанага, моцнага калектыву, дзе кожны гатовы падставіць плячо таварышу і прыйсці на дапамогу. Я вучу маладое пакаленне праваахоўнікаў быць адказнымі, чулымі да праблем людзей, сумленнымі, з адкрытым сэрцам. Думаю, наша сумесная праца не праходзіць дарма – я ўдзячны за аказаны мне давер!

 СБ