У гаспадаркі Магілёўскай вобласці паступіць 50 новых збожжаўборачных камбайнаў

У гаспадаркі Магілёўскай вобласці да канца месяца паступіць 50 новых збожжаўборачных камбайнаў айчыннай вытворчасці. Пра гэта паведаміла начальнік аддзела раслінаводства камітэта па сельскай гаспадарцы і харчаванні Магілёўскага аблвыканкама Лілія Гулінская.

«У гаспадаркі Магілёўскай вобласці да канца месяца паступіць 50 новых збожжаўборачных камбайнаў айчыннай вытворчасці. Гэта стане добрай падмогай ва ўборачнай кампаніі», –паведаміла Лілія Гулінская.

На сённяшні дзень у Магілёўскай вобласці ўраджай збожжавых прыбраны на плошчы каля 95 тыс. га –гэта каля 30% да плана. Намалочана каля 295 тыс. т пры сярэдняй ураджайнасці 31,2 ц/га. «Тэмп уборачнай у рэгіёне задае Кіраўскі раён –тут прыбрана ўжо больш за 45% плошчаў», – адзначыла начальнік аддзела раслінаводства.

Уборка азімага рапсу ў рэгіёне падыходзіць да канца. Ураджай прыбраны на 93% плошчаў. Сярэдняя ўраджайнасць склала 18,5 ц/га –гэты паказчык трымаецца на ўзроўні мінулага года. Усяго намалочана 70,3 тыс. т масланасення. «Мы плануем, што за некалькі дзён у вобласці завершыцца ўборка азімага рапсу», – падкрэсліла Лілія Гулінская.

БЕЛТА