У Глуску расійскія дыпламаты ўручылі дачцэ чырвонаармейца ўзнагароду бацькі

Больш за дваццаць гадоў жыхарка Глуска Валянціна Аляксандраўна Алейнікава збірала інфармацыю пра свайго бацьку Аляксандра Рыгоравіча Храмянкова, які знік без вестак падчас Вялікай Айчыннай вайны. За гэты час удалося даведацца нямала, у тым ліку і тое, што камандзір узвода 121 асобнага танкавага батальёна лейтэнант Аляксандр Храмянкоў у лістападзе 1941 года здзейсніў подзвіг, за які быў прадстаўлены да ордэна Чырвонага Сцяга (загад ад 14.02.1942). Гэта адзін з найвышэйшых савецкіх ордэнаў, ім узнагароджвалі воінаў за асаблівую адвагу, самаадданасць і мужнасць. Стала вядома і тое, што сам афіцэр Храмянкоў узнагароду так і не атрымаў…

Праз восемдзесят гадоў расійскія дыпламаты перадалі Валянціне Аляксандраўне пасведчанне да ордэна Чырвонага Сцяга. Дэлегацыя спецыяльна прыехала ў Глуск, каб асабіста ўручыць дачцэ героя каштоўны дакумент.

glusk.by