У Магілёўскай вобласці за мінулыя суткі адбылося 5 пажараў, 3 разы ратавальнікі выязджалі на тушэнне сухой расліннасці, ліквідавана 2 лясныя пажары ў Бабруйскім раёне. Пра гэта паведаміла старшы інспектар абласнога ўпраўлення МНС Вольга Нехарошых.
Не абышлося без гібелі. 23 красавіка каля 12.00 жыхар Горак, выйшаўшы на балкон, убачыў агонь у суседніх вокнах і выклікаў ратавальнікаў. Гарэла двухпакаёвая кватэра на трэцім паверсе пяціпавярховага жылога дома па вул. Суворава. У пакоі на палаючай канапе супрацоўнікі МНС без прыкмет жыцця знайшлі 72-гадовага гаспадара. Шанцаў на выратаванне ў яго не было: пенсіянер быў інвалідам I групы (з парушэннем апорна-рухальнай сістэмы) і не мог рухацца самастойна. Догляд яго ажыццяўляла сям’я ўнука, члены якой у фатальны момант адсутнічалі.
З прычыны пагрозы жыцця і здароўю ратавальнікі з размешчаных вышэй кватэр пад’езда эвакуявалі 6 чалавек, у тым ліку 3 дзяцей.
Меркаваная прычына пажару – неасцярожнае абыходжанне з агнём пры курэнні.
Пры выкарыстанні матэрыялаў актыўная гіперспасылка на mogilev-region.gov.by абавязковая
31.03.2025 - 12:28
Аляксей Шарай зацверджаны на пасадзе старшыні Крычаўскага райвыканкама
21.03.2025 - 11:05
У Бабруйску «Белая Русь» распрацоўвае маршрут экскурсіі да 80-годдзя Вялікай Перамогі
21.03.2025 - 10:15
20.03.2025 - 14:38
Леанід Заяц: «У Беларусі робіцца ўсё, каб нашыя людзі жылі камфортна, бяспечна, больш забяспечана»
17.03.2025 - 11:27
У Асіповіцкім гарнізоне здалі чарговы арэндны дом для вайскоўцаў