У Магілёўскай вобласці 8 студзеня пройдзе спецмерапрыемства ДАІ па выяўленні нецвярозых вадзіцеляў

Мерапрыемства па выяўленні нецвярозых вадзіцеляў правядзе ДАІ ў Магілёўскай вобласці 8 студзеня. Пра гэта паведамілі ва УУС Магілёўскага аблвыканкама.

У ведамстве ўдакладнілі, што спецыяльнае мерапрыемства «Фільтр» будзе праходзіць у абласным цэнтры, Бабруйску, Бабруйскім і Касцюковіцкім раёнах.

Як адзначылі праваахоўнікі, такія мерапрыемствы накіраваны на дысцыплінаванне ўдзельнікаў дарожнага руху. Рэйды даюць магчымасць папярэджваць дарожна-транспартныя здарэнні, якія ўчыняюцца па віне нецвярозых вадзіцеляў, а таксама тых, хто пазбаўлены права кіравання транспартным сродкам.

БЕЛТА