У Магілёўскай вобласці да канца зімовых канікул аздараўленне пройдзе больш за 5,5 тыс дзяцей

За час зімовых канікул у Магілёўскай вобласці плануецца аздаравіць больш за 5,5 тыс дзяцей, як паведамляе Рэспубліканскі цэнтр па аздараўленні і санаторна-курортным лячэнні насельніцтва.

– На тэрыторыі Магілёўскай вобласці ў перыяд зімовых канікул – з 25 снежня 2020 года да 10 студзеня 2021 года – арганізаваная праца 239 аздараўленчых лагераў з дзённым знаходжаннем, – праінфармавалі ў цэнтры. Праца лагераў запланавана на перыяд 6–7 дзён, у тым ліку на базе ўстаноў агульнай сярэдняй і дадатковай адукацыі – 227 лагераў, а 12 лагераў прымае школьнікаў на базе спартыўных устаноў. Усяго за час зімовых канікулаў плануецца аздаравіць 5570 дзяцей.

Для параўнання: год таму на Магілёўшчыне падчас зімовых канікул была арганізаваная праца 245 аздараўленчых лагераў з дзённым знаходжаннем, у тым ліку 229 – на базе ўстаноў агульнай сярэдняй і дадатковай адукацыі.

На мэты дзіцячага аздараўлення ў перыяд зімовых канікул Магілёўскім абласным упраўленнем Рэспубліканскага цэнтра па аздараўленні і санаторна-курортным лячэнні насельніцтва накіравана 148 тысяч рублёў.

– На патанненне кошту пуцёвак накіравана дзяржаўная дапамога за знаходжанне ў лагеры на працягу 6 дзён у суме 25 рублёў 20 капеек, на працягу 7 дзён – 29 рублёў 40 капеек, – удакладнілі спецыялісты. – Поўны кошт пуцёўкі ў сярэднім па вобласці, згодна з каштарысам, тэрмінам на 6 дзён для дзяцей 6–10 гадоў склаў 34 рублі 28 капеек, 11–13 гадоў – 37 рублёў 04 капейкі, 14–17 гадоў – 39 рублёў 08 капеек, на 7 дзён для дзяцей 6–10 гадоў – 36 рублёў 06 капеек, 11–13 гадоў – 39 рубель 80 капеек, 14–17 гадоў – 42 рублі 15 капеек.

У цэнтры падкрэслілі: у аздараўленчых лагерах створаны максімальна спрыяльныя ўмовы для аздараўлення, адпачынку і рацыянальнага выкарыстання канікулярнага часу. У перыяд працы лагераў дзеці занятыя рознымі конкурсна-гульнявымі, інтэлектуальнымі праграмамі, для іх арганізаваны прафілактычныя і тэматычныя гутаркі, розныя фізкультурна-аздараўленчыя мерапрыемствы. Пры арганізацыі аздараўленчых лагераў асаблівая ўвага нададзена выкананню ўсіх неабходных мер па прафілактыцы вірусных захворванняў.

 СБ