У Магілёўскай вобласці падвялі вынікі аперацыі «Нелегал-2022»

Больш за Br3 тыс. штрафаў і 16 дэпартаваных замежнікаў: у Магілёўскай вобласці падвялі вынікі другога этапу аперацыі па супрацьдзеянні незаконнай міграцыі «Нелегал-2022». Пра гэта паведамілі ў УУС Магілёўскага аблвыканкама.

Як расказаў начальнік упраўлення па грамадзянстве і міграцыі УУС Магілёўскага аблвыканкама палкоўнік міліцыі Пётр Сімончык, супрацоўнікі органаў унутраных спраў раскрылі 192 адміністрацыйныя правапарушэнні, з якіх 188 – гэта невыкананне правілаў уезду, выезду, знаходжання і транзітнага праезду. Выяўлены 4 парушэнні ўстаноўленага парадку ажыццяўлення працоўнай дзейнасці.

Па выніках разгляду спраў аб адміністрацыйных правапарушэннях сума накладзеных штрафаў склала больш за Br3 тыс., 16 замежнікаў былі выправаджаны за межы краіны.

Падчас правядзення запланаваных мерапрыемстваў аперацыі «Нелегал-2022» асаблівая ўвага надавалася кантролю за ўездам, знаходжаннем і перамяшчэннем замежных грамадзян і асоб без грамадзянства па тэрыторыі Магілёўскай вобласці, прафілактыцы правапарушэнняў з боку замежнікаў і ў дачыненні да іх, адпрацоўцы адрасоў фактычнага і магчымага іх пражывання, а таксама рынкаў, вакзалаў, аўтастанцый, аб’ектаў аграпрамысловага комплексу.

БЕЛТА