У Магілёўскай вобласці плануецца замяніць 57 пасажырскіх ліфтаў

Замену 57 ліфтаў плануецца выканаць у 2024 годзе ў Магілёўскай вобласці. Пра гэта паведамляе галоўнае ўпраўленне жыллёва-камунальнай гаспадаркі аблвыканкама.

Як адзначылі ў ведамстве, замена ліфтаў, якія адпрацавалі нарматыўны тэрмін эксплуатацыі, - адно з актуальных пытанняў у сферы жыллёва-камунальнай гаспадаркі. Так, летась у ліфтавай гаспадарцы абноўлены 64 інжынерныя сістэмы. Згодна з Дзяржаўнай праграмай «Камфортнае жыллё і спрыяльнае асяроддзе» на 2021-2025 гады, планавалася выканаць замену 57 ліфтаў. Пры гэтым эканомія фінансавых сродкаў гаррайвыканкамамі, якая склалася, дазволіла забяспечыць іх замену звыш названай колькасці.

У бягучым годзе гэта работа прадоўжыцца, пасажырскія ліфты будуць заменены ў 20 жылых аб'ектах Магілёва, а таксама Бабруйска, Горак, Касцюковіч, Асіповіч.

Юлія Таранава