У Магілёўскай вобласці выбралі найлепшага інспектара ДПС

Хуткаснае манеўраванне на легкавым аўтамабілі, конкурс па ручным рэгуляванні ў рэальнай дарожнай абстаноўцы, спаборніцтвы па стральбе з рухомага аўтамабіля па нерухомай мішэні, камбінаваная эстафета «Міліцэйскі біятлон», тэсціраванне па спецыяльнай медыцынскай падрыхтоўцы і ведах правілаў дарожнага руху, дэманстрацыя выдатнай фізічнай падрыхтоўкі і баявых прыёмаў самаабароны... Усё гэта – этапы Магілёўскага абласнога агляду-конкурсу прафесійнага майстэрства супрацоўнікаў дарожна-патрульнай службы, які праходзіў на працягу 2 дзён.

За званне найлепшага спаборнічалі супрацоўнікі ДАІ з усіх раёнаў вобласці. А перамог у выніку інспектар батальёна ДПС ДАІ УУС Магілёўскага аблвыканкама старшы лейтэнант Аляксандр Аршаўскі. Павіншаваўшы яго з заслужанай узнагародай, начальнік упраўлення Дзяржаўтаінспекцыі падпалкоўнік міліцыі Віктар Ротчанкаў падзякаваў і астатнім канкурсантам, справядліва адзначыўшы, што ўдзел у такім сур’ёзным мерапрыемстве ўжо з’яўляецца высокім дасягненнем.

СБ