У Магілёўскай вобласці з пачатку года ліквідавана больш за паўтысячы несанкцыянаваных звалак. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.
Санэпідслужба кантралюе выкананне ведамствамі, прадпрыемствамі і арганізацыямі патрабаванняў заканадаўства па добраўпарадкаванні і санітарным утрыманні тэрыторый. Так, з пачатку гэтага года абследавана амаль 47,1 тыс. тэрыторый і аб'ектаў, парушэнні выяўлены ў 38,3 працэнта выпадкаў. У выніку вынесена 214 пастаноў аб накладанні штрафу, кіраўнікам арганізацый і прадпрыемстваў выдадзена каля 2,3 тыс. прадпісанняў і рэкамендацый на ўстараненне парушэнняў санітарна-эпідэміялагічнага заканадаўства.
Акрамя таго, ліквідаваны 524 несанкцыянаваныя звалкі. Па хадайніцтвах дзяржсаннагляду дысцыплінарную адказнасць панясуць 106 вінаватых асоб, дзеянні або бяздзейнасці якіх прывялі да дапушчаных парушэнняў. Так, сярод самых распаўсюджаных - нездавальняючы ўтрыманне кантэйнерных пляцовак і прылеглых да іх тэрыторый, несвоечасовы вываз камунальных адходаў і размяшчэнне іх у неўстаноўленых месцах, несвоечасовы пакос пустазелля.
БЕЛТА
