У Магілёўскай вобласці за 9 месяцаў увялі ў эксплуатацыю больш як 26 тыс. кв.м жылля для шматдзетных

У Магілёўскай вобласці за студзень - верасень бягучага года ўведзена ў эксплуатацыю больш як 26 тыс. кв.м жылля для шматдзетных сем'яў. Пра гэта паведамілі ў Галоўным статыстычным упраўленні Магілёўскай вобласці.

За названы перыяд арганізацыямі ўсіх форм уласнасці ў рэгіёне пабудавана больш за 2,4 тыс. новых кватэр. Уведзена ў эксплуатацыю 262,7 тыс. кв.м агульнай плошчы жылля.

Для грамадзян, якія знаходзяцца на ўліку маючых патрэбу ў паляпшэнні жыллёвых умоў, уведзена ў эксплуатацыю 66,6 тыс. кв.м, або 25,4 працэнта ад агульнага аб'ёму ўведзенага жылля, з выкарыстаннем дзяржаўнай падтрымкі пабудавана 37,4 тыс. кв.м.

Для шматдзетных сем'яў уведзена ў эксплуатацыю 26,1 тыс. кв.м агульнай плошчы жылля.

У сельскіх населеных пунктах уведзена ў эксплуатацыю 83,5 тыс. кв.м, або 31,8 працэнта ад агульнага ўводу па вобласці.

БЕЛТА