У Магілёўскім інстытуце МУС 26 чэрвеня выпусцяцца курсанты факультэта міліцыі

У Магілёўскім інстытуце МУС 26 чэрвеня адбудзецца ўрачыстая цырымонія выпуску курсантаў. Чакаецца, што ў цырымоніі будзе ўдзельнічаць міністр унутраных спраў генерал-лейтэнант міліцыі Іван Кубракоў.

– Сёлета дыплом аб вышэйшай адукацыі атрымае больш за сто курсантаў факультэта міліцыі. Па выпуску ім прысвойваецца першае афіцэрскае званне –лейтэнант міліцыі. Па заканчэнні ведамаснайВНУ маладыя афіцэры накіруюцца ў тэрытарыяльныя падраздзяленні для далейшага праходжання службы, – адзначыла афіцыйны прадстаўнік ВНУ Марына Грамыка.

Кіраўнік ваеннага аддзела Магілёўскай епархіі протаіерэй Сяргей Лабада правядзе рытуал блаславення выпускнікоў. Цырымонія ўручэння дыпломаў завершыцца запускам у неба кампазіцыі з паветраных шароў у форме лейтэнанцкага пагона, а таксама ўрачыстым маршам выпускнікоў з падкідваннем манет.

СБ