Заўтра, 19 студзеня, у вёсцы Запруддзе Магілёўскага раёна адбудзецца ўрачыстая цырымонія перапахавання ў брацкай магіле байца Чырвонай арміі, які загінуў у 1941 годзе. Астанкі безназоўнага героя былі ўзняты летам 2023 года каля вёскі Дубінка групай Магілёўскага абласнога гісторыка-патрыятычнага клуба «Вікру» пад камандаваннем Аляксандра Клеміна.
Кіраўнік клуба «Вікру», гісторык, краязнаўца, пісьменнік Мікалай Барысенка расказаў:
- Магчыма, загінулы чырвонаармеец быў яфрэйтарам: побач з астанкамі ляжалі яфрэйтарскія пятліцы. Не выключана, што ён толькі што атрымаў новыя знакі адрознення, таму яны яшчэ ляжалі ў яго ў кішэні. Таксама былі знойдзеныя акуляры, якія таксама маглі належаць гэтаму чалавеку. Складана сказаць, з якой ён быў вайсковай часці: у 1941 годзе баі побач з вёскамі Дубінка і Махава ішлі хуткаплынныя, тут былі падраздзяленні з трох дывізій.
СБ