У Магілёўскім раёне да Дня народнага адзінства правядуць фестываль маладзёжнай творчасці

Да ўдзелу ў фестывалі «Беларусь – гэта мы!» запрашаюць людзей ва ўзросце ад 14 да 31 года, якія пражываюць, навучаюцца або працуюць у Магілёўскім раёне, а таксама моладзевыя творчыя самадзейныя калектывы. Свае таленты маладыя землякі змогуць праявіць у пяці намінацыях: «Вакал», «Харэаграфія», «Аратарскае майстэрства», «Фатаграфія», «Жывапіс і творчасць».

– Дапускаюцца як сольныя выступленні ўдзельнікаў, так і ў складзе творчых калектываў. Тэма выступленняў – любоў да Радзімы. Фестываль прымеркаваны да святкавання Дня народнага адзінства і праводзіцца з мэтай грамадзянска-патрыятычнага і духоўна-маральнага выхавання падрастаючага пакалення, выяўлення і падтрымкі таленавітай і адоранай моладзі, – падкрэслілі ў аддзеле ідэалагічнай работы, культуры і па справах моладзі Магілёўскага райвыканкама.

Па выніках фестывалю будуць вызначаны пераможцы ў кожнай з намінацый, іх узнагародзяць дыпломамі і каштоўнымі прызамі.

Арганізатарамі выступаюць аддзел ідэалагічнай работы, культуры і па справах моладзі Магілёўскага райвыканкама і Магілёўскі раённы камітэт ГА «БРСМ».

А пройдзе фестываль 15 верасня ў аграгарадку Буйнічы, у будынку Магілёўскай раённай дзіцячай школы мастацтваў імя Леаніда Іванова. Заяўкі на ўдзел у ім жадаючыя могуць падаць не пазней за 13 верасня на электронную пошту konkurs@mogrik.gov.by.

СБ