У Магілёўскім раёне пройдзе акцыя «Разам з мастацтвам» пад дэвізам «Беларусь - краіна магчымасцей»

Заўтра, 13 лістапада, у Магілёўскім раёне пройдуць мерапрыемствы ў рамках агульнарэспубліканскай акцыі «Разам з мастацтвам» пад дэвізам «Беларусь - краіна магчымасцей». Арганізатары – Моладзевы тэатр эстрады сумесна з Беларускім рэспубліканскім саюзам моладзі пры падтрымцы Міністэрства культуры.

Як расказала начальнік аддзела ідэалагічнай работы і па справах моладзі Магілёўскага райвыканкама Алеся Купцова, у Доме культуры Магілёўскага дзяржаўнага ордэна Працоўнага Чырвонага Сцяга агралесатэхнічнага каледжа ім. К. П. Арлоўскага пройдуць тэматычная дыялогавая пляцоўка і канцэртная праграма з удзелам артыстаў беларускай эстрады.

Мерапрыемствы збяруць 200 чалавек - прадстаўнікоў дэпутацкага корпуса, навучэнскай і працуючай моладзі раёна, а таксама актыў раённых арганізацый грамадскіх аб'яднанняў і палітычных партый. Сярод запрошаных - намеснік старшыні Магілёўскага абласнога Савета дэпутатаў Міхаіл Жудро, старшыня Магілёўскага раённага Савета дэпутатаў Сяргей Ерашчанка, старшыня Магілёўскага раённага Савета ветэранаў Віктар Пінчук.

Прысутныя ўскладуць кветкі на мемарыяльным комплексе «Буйніцкае поле».

Агульнарэспубліканская акцыя «Разам з мастацтвам» пад дэвізам «Беларусь - краіна магчымасцей» стартавала 4 лістапада. Яна садзейнічае патрыятычнаму выхаванню жыхароў краіны, фарміраванню актыўнай грамадзянскай пазіцыі, павагі да гісторыі, культуры і традыцый беларускага народа, умацаванню адзінства грамадзянскай супольнасці.

СБ