У Магілёўскім раёне ўдзельнікі маладзёжнага парламента закладуць алею Адзінства пакаленняў

Заўтра, 14 верасня, пры Магілёўскім раённым Савеце дэпутатаў адбудзецца пашыранае пасяджэнне маладзёжнага парламента, прысвечанае Дню народнага адзінства. Пра гэта паведаміла начальнік аддзела ідэалагічнай работы, культуры і па справах моладзі Магілёўскага райвыканкама Алеся Купцова. Адзін з пунктаў мерапрыемства – закладка алеі.

Пасяджэнне пройдзе ў выязным інтэрактыўным фармаце з удзелам прадстаўнікоў раённай ветэранскай арганізацыі і дэпутацкага корпуса. Па дарозе ў аграгарадок Дашкаўка ў аўтобусе экскурсавод-гісторык правядзе з удзельнікамі мерапрыемства гутарку па тэматыцы пасяджэння. Затым запланавана наведванне музея Дашкаўскай сярэдняй школы.

У праграме пасяджэння таксама інтэрактыўная гульня «Разам мы – Беларусь» з удзелам каманд маладзёжнага парламента, ветэранаў і дэпутатаў. Таксама ўдзельнікі мерапрыемства закладуць алею Адзінства пакаленняў.

СБ