У Магілёве 12 лютага адбудзецца кансультатыўная сустрэча па магчымасці працаўладкавання грамадзян з інваліднасцю

Упраўленне па працы, занятасці і сацыяльнай абароне Магілёўскага гарадскога выканаўчага камітэта 12 лютага правядзе інфармацыйна-кансультатыўную сустрэчу «Пераадольваем перашкоды разам» па магчымасці працаўладкавання грамадзян з інваліднасцю на прадпрыемствы Магілёва.

На мерапрыемстве будуць прысутнічаць прадстаўнікі кадравай службы наймальнікаў, установы «Цэнтр сацыяльнага абслугоўвання насельніцтва Ленінскага раёна г. Магілёва», спецыялісты ўпраўлення па працы. Па заканчэнні сустрэчы для жадаючых адбудуцца практычныя заняткі «Адаптацыя на рынку працы для асоб з інваліднасцю». Іх ўдзельнікі азнаёмяцца з прыёмамі эфектыўных зносін і рознымі дакументамі, якія могуць спатрэбіцца пры падрыхтоўцы да субяседавання і працаўладкавання (аўтабіяграфія, анкеты, рэзюмэ, тэсты). Атрыманыя веды і навыкі дапамогуць ясней прапанаваць саіскальнікам наяўныя магчымасці і знайсці аптымальныя шляхі іх рэалізацыі, выпрацаваць стратэгію пошуку працы. Падчас мерапрыемства грамадзянам будзе прадастаўлены раздатачны матэрыял (буклеты, улёткі, бланкавыя і камп’ютарныя прафесіяграмы).

Мерапрыемствы будуць праводзіцца ва ўпраўленні па адрасе: г. Магілёў, вул. Касманаўтаў, 17, актавая зала. Тэлефоны для даведак: (80222) 41-88-04, 76-89-82,41-88-10.