У Магілёве абмеркавалі пытанні ваенна-патрыятычнага выхавання дзяцей і моладзі

На базе Магілёўскага дзяржаўнага абласнога інстытута развіцця адукацыі адбыўся семінар-практыкум па выхаваўчай рабоце «Ваенна-патрыятычнае выхаванне падрастаючага пакалення: станаўленне грамадзяніна і патрыёта».

Удзельнікамі мерапрыемства сталі галоўныя спецыялісты, метадысты аддзелаў па адукацыі гор (рай) выканкамаў, намеснікі дырэктараў.

Падчас мерапрыемства члены ваенна-патрыятычных клубаў прадэманстравалі практычныя навыкі, якія адлюстроўваюць дзейнасць аб'яднання: працу сцягавой групы, зборку-разборку аўтамата, страявую песню, пошукава-даследчую дзейнасць.

Як адзначыў начальнік групы (арганізацыі адбору на ваенную службу) ваеннага камісарыята Магілёўскай вобласці Аляксандр Шайдаў, цяпер набываюць актуальнасць пытанні ваенна-патрыятычнага выхавання моладзі. Усё больш і больш хлопчыкаў і дзяўчынак Магілёўскай вобласці імкнуцца пазнаёміцца з ваеннай справай, стаць датычнымі да пытанняў абароны Айчыны.

У тэарэтычнай частцы семінара ўдзельнікі абмеркавалі алгарытм стварэння ваенна-патрыятычных клубаў, іх дзейнасць, у тым ліку і ў летні перыяд.

 mogilevnews.by