У Магілёве адбудзецца VII канферэнцыя «Духоўнасць. Моладзь. Ініцыятыва»

Маладзёжная канферэнцыя пройдзе 10 снежня ў рамках закрыцця XVIII абласных Свята-Георгіеўскіх адукацыйных чытанняў «80-годдзе Вялікай Перамогі: памяць і духоўны вопыт пакаленняў».

Удзел у ёй прымуць прадстаўнікі адукацыйных, культурных і рэлігійных арганізацый, а таксама актыўная моладзь рэгіёна. Тэмы на канферэнцыі будуць паднімаць самыя розныя — паразважаюць пра сучасную сям'ю, яе прававыя асновы і ролю ў грамадстве, узгадаюць, як у пасляваенны час аднаўлялася прамысловасць Магілёўшчыны, людзей, якія засталіся «навечна ў сэрцах удзячных нашчадкаў», пагавораць пра тое, што такое фэйкі. і як разабрацца ў праўдзівасці інфармацыі.

Паводле слоў арганізатараў, галоўная мэта мерапрыемства - умацаванне сувязей паміж адукацыйнымі і грамадскімі арганізацыямі, распрацоўка і прасоўванне маладзёжных ініцыятыў, накіраваных на фарміраванне духоўна-маральных каштоўнасцей, падтрымка адукацыйных праектаў, звязаных з патрыятычным выхаваннем.

Арганізатарамі выступае Магілёўская абласная арганізацыя БРСМ сумесна з Духоўна-асветніцкім цэнтрам імя свяціцеля Георгія Каніскага.

СБ