У Магілёве аддзяленні аблбальніцы і шпіталі інвалідаў вайны прымаюць пацыентаў па профілі

У Магілёве некаторыя аддзяленні абласной бальніцы і абласнога шпіталя інвалідаў Айчыннай вайны пачалі прымаць пацыентаў па профілі, паведамляецца ў прэс-службе Міністэрства аховы здароўя.

У прыватнасці, у Магілёўскай абласной клінічнай бальніцы вярнуліся да аказання медыцынскай дапамогі пацыентам гематалагічнага і рэўматалагічнага профілю. Раней тут правялі мерапрыемствы па дэзынфекцыі.

Пацыенты анкалагічнага профілю ўжо могуць атрымліваць меддапамогу ў Магілёўскім абласным і Бабруйскім міжраённым анкалагічных дыспансерах.

У Магілёўскай вобласці працуюць 62 бальнічныя арганізацыі. Агульная колькасць ложкаў у стацыянарах вобласці складае 10 661, з іх для аказання медыцынскай дапамогі пацыентам з COVID-19 і пнеўманіяй задзейнічана 2 506 ложкаў.

БЕЛТА