У Магілёве адкрыліся «Сіманаўскія чытанні», прымеркаваныя да 109-годдзя з дня нараджэння ваенкара Сіманава

Сёння, 28 лістапада, на мемарыяльным комплексе абаронцам Магілёва «Буйніцкае поле» адбылося ўрачыстае адкрыццё Міжнароднага літаратурнага праекта «Сіманаўскія чытанні».

Людзі, якія абаранялі Магілёў і аддалі за горад свае жыцці, назаўжды засталіся для ваенкара Сіманава ўзорам мужнасці і стойкасці, гэтыя падзеі ён памятаў усё жыццё і прасіў, каб пасля смерці прах яго развеялі на полі бою пад Магілёвам.

Сваякі выканалі волю журналіста і пісьменніка, а праз год пасля яго смерці ў 1980 годзе ўдзячныя гараджане ўрачыста адкрылі помнік Канстанціну Сімонаву - 15-ці тонны камень-валун з мемарыяльнай таблічкай. Тады ж прайшлі першыя «Сіманаўскія чытанні», зарадзілася традыцыя ўскладаць кветкі да помніка.

Былі ўскладзены кветкі і сёння.

Прысутныя адзначылі, наколькі вялікае значэнне імя Сіманава для Магілёўшчыны, для ўсёй краіны як сімвал адзінства Беларусі і Расіі, а таксама ўсіх народаў, якія адзінай сілай сталі на абарону Радзімы і перамаглі ворага.

З вуснаў школьнікаў гучалі вершы, прысвечаныя пісьменніку і гераічным падзеям, якія знайшлі адлюстраванне ў яго творчасці. Для ўдзельнікаў мерапрыемства прайшла экскурсія па мемарыяльным комплексе, пасля якой іх запрасілі ў школу № 24 Магілёва, дзе прайшла літаратурна-музычная кампазіцыя «Ваенны карэспандэнт, паэт, пісьменнік, чалавек - Канстанцін Сіманаў».

СБ