У Магілёве пасля навальніцы і ўраганных вятроў, якая накрыла горад 10 ліпеня, абясточаны некаторыя раёны, павалены дрэвы і платы, разбіты вокны ў жылых дамах, пашкоджаны машыны. У горадзе працуе аператыўны штаб па ўхіленні наступстваў непагадзі.
«Над аднаўленнем электразабеспячэння ўзмоцнена працуюць энергетыкі. Для больш аператыўнага ўстаранення наступстваў непагадзі ў дапамогу накіраваны брыгады прадпрыемстваў «Мінскэнерга» і «Гомельэнерга». Дызель-генератарныя ўстаноўкі накіраваны ў рэгіёны для забеспячэння часовага электразабеспячэння спажыўцоў. «Энергетыкі прыкладаюць усе намаганні, каб максімальна аператыўна аднавіць электразабеспячэнне спажыўцоў! Сітуацыя знаходзіцца на кантролі Міністэрства энергетыкі. Дзякуем за разуменне», - гаворыцца ў паведамленні ў тэлеграм-канале «Мінэнерга Афіцыйны».
Пры выкарыстанні матэрыялаў актыўная гіперспасылка на mogilev-region.gov.by абавязковая
