У Магілёве пад кіраўніцтвам міністра абароны праходзіць штогадовы збор «Ваенная бяспека і абарона дзяржавы»

Сёння ў Магілёве пад кіраўніцтвам міністра абароны Беларусі генерал-лейтэнанта Віктара Хрэніна пройдзе штогадовы збор «Ваенная бяспека і абарона дзяржавы».

Паведамляецца, што ўдзельнікамі збору стануць старшыні абласных і Мінскага гарадскога выканаўчых камітэтаў, вайсковыя камісары абласцей і беларускай сталіцы.

«Мэта збору – павысіць узровень ведаў службовых асоб у пытаннях сумесных дзеянняў войскаў у сучасных узброеных канфліктах, удасканальваць навыкі ў дзеяннях са зброяй», – адзначылі ў абаронным ведамстве.

У Мінабароны паведамілі, што падчас збору ўдзельнікі даведаюцца аб асноўных тэндэнцыях развіцця ваенна-палітычнай абстаноўкі вакол Беларусі, азнаёмяцца з парадкам прымянення беспілотных лятальных апаратаў і барацьбы з імі. Таксама яны ўбачаць дзеянні добраахвотнікаў атрада народнага апалчэння па прадухіленні і спыненні правапарушэнняў, ахове і абароне аэрапорта сіламі тэрытарыяльнай абароны. Удзельнікам збору трэба азнаёміцца з асноўнымі і перспектыўнымі ўзорамі ВВСТ, якія стаяць на ўзбраенні воінскіх часцей інжынерных войскаў, падраздзяленняў беспілотных авіяцыйных комплексаў Узброеных Сіл, воінскіх часцей тэрытарыяльных войскаў і тэхнікай дарожна-рамонтных будаўнічых упраўленняў, якая выкарыстоўваецца для падрыхтоўкі населеных пунктаў.

СБ, фота «Ваяр»