«Гарадская прастора - погляд у будучыню». У Магілёве падвялі вынікі конкурсу для творчай моладзі. Некалькі месяцаў студэнты працавалі над праектамі, якія павінны зрабіць знешні выгляд абласнога цэнтра больш сучасным і прывабным.
Для стварэння горада мары можна было выкарыстоўваць любыя смелыя рашэнні: ад 3D-праекцый да графіці. На суд журы свае ідэі прадставілі і будучыя горадабудаўнікі - навучэнцы архітэктурнага каледжа. Самыя юныя ўдзельнікі конкурсу забралі два прызавыя месцы, а таксама ўзнагароду сімпатый гледачоў - яны вырашылі абнавіць парк на бульвары Непакораных.
Станіслаў Паддубскі, навучэнец Магілёўскага архітэктурна-будаўнічага каледжа:
- Я жыву на бульвары Непакораных, і, каб патрапіць хоць бы трошкі ў нармальны парк, мне трэба перасякаць Пушкінскі мост і ісці ў Паднікольле, каб нармальна правесці час са сваёй дзяўчынай і сябрамі. Я вырашыў гэта выправіць, бо гэта сапраўды мяне кранала. Жадаў бы хоць нейкі ўклад прынесці, каб людзям і дзецям, якія будуць жыць у гэтым раёне, жылося лепш і ў іх было больш пазітыўных эмоцый.
Ужо вядома, што праект, які заняў першае месца, - добраўпарадкаванне сквера і каляровае афармленне дамоў - рэалізуюць цяперашняй вясной.
Пры выкарыстанні матэрыялаў актыўная гіперспасылка на mogilev-region.gov.by абавязковая