У Магілёве пройдзе прафсаюзны семінар-форум па пытаннях маладзёжнай палітыкі

У Магілёве сёння пройдзе прафсаюзны семінар-форум па пытаннях маладзёжнай палітыкі. Пра гэта паведамілі ў абласной арганізацыі прафсаюза работнікаў адукацыі і навукі.

Мерапрыемства адбудзецца ў Беларуска-Расійскім універсітэце. Яго ўдзельнікамі стануць прадстаўнікі прафсаюзнай моладзі, у тым ліку старшыні маладзёжных саветаў раённых і гарадскіх арганізацый, лідары студэнцкіх пяршовак.

«У фармаце дыялогу яны абмяркуюць актуальныя тэмы, якія хвалююць прафсаюзную моладзь, закрануць пытанні замацавання маладых спецыялістаў і падтрымкі студэнцкіх ініцыятыў, – адзначылі ў абласной арганізацыі. – Падчас семінара будзе дадзены старт абласным праектам рэспубліканскай прафсаюзнай акцыі «Эстафета пакаленняў», прымеркаванай да Года гістарычнай памяці».

У якасці экспертаў у працы форуму прымуць удзел кіраўнікі прафсаюзнага руху рэспубліканскага і абласнога ўзроўняў.

У завяршэнні для ўдзельнікаў мерапрыемства будзе арганізавана дадатковая праграма з наведваннем музея Беларуска-Расійскага ўніверсітэта і азнаямленнем з матэрыяльна-тэхнічнай базай ВНУ.

БЕЛТА