У Магілёве ў басейне ФАК H2O стартаваў адкрыты чэмпіянат Рэспублікі Беларусь па водным пола

У Магілёве ў басейне ФАК H2O стартаваў адкрыты чэмпіянат Рэспублікі Беларусь па водным пола. На працягу 5 дзён 7 каманд з усіх абласцей Беларусі і горада Мінска будуць змагацца за званне чэмпіёна краіны.

Як адзначае галоўны суддзя спаборніцтваў, заслужаны трэнер БССР Алег Дзюба:

- У гэтым годзе галоўны ватэрпольны турнір рэспублікі змяніўся ў сваім фармаце. Цяпер на працягу сезона восень-вясна праводзяцца тры туры чэмпіянату, у якіх каманды гуляюць паміж сабой па кругавой сістэме.

У Магілёве праходзіць фінальны раунд спаборніцтваў па выніках якога і вызначыцца чэмпіён краіны, а таксама ўладальнікі бронзавых і сярэбраных узнагарод. Перад заключным этапам спаборніцтваў турнірную табліцу з 18 набранымі баламі ўзначальвалі ватэрпалісты з Гомельскай вобласці. Прадстаўнікі Магілёўшчыны з трыма баламі ў актыве замыкаюць выніковую табліцу.

mogilevnews.by