У Магілёве ў Беларуска-Расійскім універсітэце прайшла «Дыктоўка Перамогі»

3 верасня а 12.00 ва ўсіх раёнах Магілёўскай вобласці прайшла рэспубліканская гістарычная «Дыктоўка Перамогі» аб Вялікай Айчыннай вайне, праект рэалізуюць тэрытарыяльныя камітэты ГА «БРСМ».

У Магілёве «Дыктоўка Перамогі» праходзіла у Беларуска-Расійскім універсітэце. Пра гэта расказала галоўны спецыяліст Магілёўскага абкама БРСМ Арына Сафонькіна.

Дыктоўка праводзілася для прываблівання моладзі да вывучэння гісторыі Вялікай Айчыннай вайны, павышэння гістарычнай граматнасці і патрыятычнага выхавання маладога пакалення.

Удзельнікамі дыктоўкі сталі навучэнцы старшых класаў, прафесійна-тэхнічнай, сярэдняй адукацыі, студэнты ВНУ. Ім прадставілася магчымасць атрымаць незалежную ацэнку сваіх ведаў аб падзеях Вялікай Айчыннай вайны.

У Магілёўскім абкаме БРСМ расказалі:

– Удзел у дыктоўцы быў бясплатным і добраахвотным, кожны ўдзельнік атрымаў матэрыялы для яе напісання. Пераможцы будуць узнагароджаны дыпломамі і каштоўнымі прызамі, а таксама іх запросяць у якасці ганаровых гасцей на Парад Перамогі 9 мая на Чырвонай Плошчы ў Маскве.

СБ, фота БРСМ