У Магілёве ўвялі забарону на купанне ў трох месцах

Купанне і заняткі відамі воднага спорту ў зонах рэкрэацый Грабянёўскага і Пячэрскага вадасховішчаў, а таксама гарадскога пляжа ракі Днепр забаронена. Пра гэта паведамілі ў УАЗ «Магілёўскі занальны цэнтр гігіены і эпідэміялогіі».

Як растлумачылі суразмоўцы, пробы вады, адабраныя з вышэйпералічаных вадаёмаў, не адпавядаюць гігіенічным нарматывам па мікрабіялагічных паказчыках.

«У адпаведнасці з патрабаваннямі санітарных нормаў і правілаў «Патрабаванні да зместу паверхневых водных аб’ектаў пры іх рэкрэацыйным выкарыстанні», кіруючыся пастановай МЗ РБ 05.12.2016 № 122 і арт. 29 Воднага кодэкса Рэспублікі Беларусь ад 30 красавіка 2014 г. № 149-3 у мэтах аховы жыцця і здароўя насельніцтва ўстаноўлена забарона на купанне насельніцтва ў Грабянёўскім і Пячэрскім вадасховішчах, а таксама гарадскім пляжы Дняпра», – адзначылі занальным цэнтры гігіены і эпідэміялогіі.

У зонах рэкрэацыі, дзе ўведзены забарона на купанне, будуць выстаўлены шлагбаўмы і спынены гандаль на пляжах.

Рэд.