У Магілёве ўзнагародзілі пераможцаў абласных спаборніцтваў па арганізацыі адукацыйнай дзейнасці і найлепшых па прафесіі ў педагагічнай сферы

У Палацы культуры вобласці сёння ўшаноўвалі пераможцаў спаборніцтваў на самую лепшую арганізацыю работы па ажыццяўленні адукацыйнай дзейнасці сярод структурных падраздзяленняў гарадскіх, раённых выканаўчых камітэтаў, устаноў адукацыі, а таксама педагогаў, удастоеных звання «Найлепшы па прафесіі» за 2019 год. Узнагароджанне адбылося падчас абласнога педагагічнага савета.

Кіраўнік рэгіёна Леанід Заяц уручыў дыпломы Магілёўскага абласнога выканаўчага камітэта найлепшым:

сярод структурных падраздзяленняў гарадскіх выканаўчых камітэтаў, якія ажыццяўляюць дзяржаўна-ўладныя паўнамоцтвы ў сферы адукацыі:

упраўленне адукацыі Магілёўскага гарадскога выканаўчага камітэта;

сярод структурных падраздзяленняў раённых выканаўчых камітэтаў, якія ажыццяўляюць дзяржаўна-ўладныя паўнамоцтвы ў сферы адукацыі (раёны з колькасцю насельніцтва звыш 20 тысяч чалавек):

аддзел па адукацыі Горацкага раённага выканаўчага камітэта;

 

сярод структурных падраздзяленняў раённых выканаўчых камітэтаў, якія ажыццяўляюць дзяржаўна-ўладныя паўнамоцтвы ў сферы адукацыі (раёны з колькасцю насельніцтва да 20 тысяч чалавек):

аддзел адукацыі, спорту і турызму Круглянскага раённага выканаўчага камітэта;

 

сярод устаноў дашкольнай адукацыі, размешчаных у гарадах:

дзяржаўная ўстанова адукацыі «Дашкольны цэнтр развіцця дзіцяці № 1 г. Магілёва»;

сярод устаноў дашкольнай адукацыі, размешчаных у сельскіх населеных пунктах:

дзяржаўная ўстанова адукацыі «Дашкольны цэнтр развіцця дзіцяці аг. Александрыя Шклоўскага раёна»;

 

сярод устаноў агульнай сярэдняй адукацыі, размешчаных у гарадах:

дзяржаўная ўстанова адукацыі «Сярэдняя школа № 40 г. Магілёва»;

 

сярод устаноў агульнай сярэдняй адукацыі, размешчаных у сельскіх населеных пунктах:

дзяржаўная ўстанова адукацыі «Межысецкая сярэдняя школа»;

 

сярод гімназій:

дзяржаўная ўстанова адукацыі «Гімназія № 3 г. Бабруйска»;

 

сярод ліцэяў:

установа адукацыі «Магілёўскі дзяржаўны абласны ліцэй № 3»;
 

сярод сацыяльна-педагагічных устаноў:

Дзяржаўная ўстанова адукацыі «Сацыяльна-педагагічны цэнтр Магілёўскага раёна»;

 

сярод спецыяльных і дапаможных школ-інтэрнатаў:

установа адукацыі «Шклоўская дзяржаўная спецыяльная агульнаадукацыйная школа-інтэрнат для дзяцей з парушэннямі зроку»;

 

сярод цэнтраў карэкцыйна-развіваючага навучання і рэабілітацыі:

Дзяржаўная ўстанова адукацыі «Цэнтр карэкцыйна-развіваючага навучання і рэабілітацыі г. Шклова»;

 

сярод устаноў дадатковай адукацыі дзяцей і моладзі:

дзяржаўная ўстанова дадатковай адукацыі «Цэнтр творчасці дзяцей і моладзі «Агат» г. Магілёва»

 

сярод прафесійна-тэхнічных каледжаў:

установа адукацыі «Магілёўскі дзяржаўны эканамічны прафесійна-тэхнічны каледж»;

сярод прафесійных ліцэяў:

установа адукацыі «Дзяржаўны прафесійны ліцэй № 9 г. Магілёва імя Аляксандра Паўлавіча Старавойтава»;

 

сярод устаноў сярэдняй спецыяльнай адукацыі:

установа адукацыі «Магілёўскі дзяржаўны тэхналагічны каледж».

 

Пераможцамі спаборніцтва на прысуджэнне звання «Найлепшы па прафесіі» сталі:

у намінацыі «Найлепшы настаўнік» – настаўнік хіміі дзяржаўнай установы адукацыі «Гімназія № 3 г. Бабруйска» Таццяна Васілеўская;

у намінацыі «Найлепшы выхавальнік» – выхавальнік дзяржаўнай установы адукацыі «Дашкольны цэнтр развіцця дзіцяці № 1 г. Магілёва» Наталля Кляус;

у намінацыі «Найлепшы педагог дадатковай адукацыі дзяцей і моладзі» – педагог аб’яднання па інтарэсах «Каларыт» дзяржаўнай установы адукацыі «Цэнтр дадатковай адукацыі дзяцей і моладзі г. Бабруйска» Юлія Прохарава;

у намінацыі «Найлепшы майстар вытворчага навучання» – майстар вытворчага навучання ўстановы адукацыі «Магілёўскі дзяржаўны ордэна Працоўнага Чырвонага Сцяга прафесійны агралесатэхнічны каледж імя К. П. Арлоўскага» Валерый Неўмяржыцкі.

Акрамя таго, ганаровымі граматамі, падзякамі Міністэрства адукацыі, Магілёўскага абласнога выканаўчага камітэта і абласнога Савета дэпутатаў былі ўшанаваны каля 30 прадстаўнікоў педагагічнай грамадскасці рэгіёна. Нагрудным знакам «Выдатнік адукацыі» ўзнагародзілі метадыста Быхаўскага цэнтра турызму, краязнаўства і экскурсій дзяцей і моладзі Алу Замяціну; настаўніка нямецкай мовы сярэдняй школы № 2 г. Мсціслава Алу Прахаранкову; начальніка ўпраўлення па адукацыі Магілёўскага гарвыканкама Ірыну Рыбакову; майстра вытворчага навучання Магілёўскага дзяржаўнага эканамічнага прафесійна-тэхнічнага каледжа Галіну Смірнову; намесніка дырэктара Магілёўскага дзяржаўнага ордэна Працоўнага Чырвонага Сцяга прафесійнага агралесатэхнічнага каледжа імя К. П. Арлоўскага Наталлю Цішкову.

Магілёўшчына, як і Беларусь, моцная сваімі традыцыямі. І сёння ўдзельнікі педагагічнага савета паклалі пачатак новай традыцыі ў сістэме адукацыі рэгіёна – перадаваць мудрасць і веды ад вопытных педагогаў маладым. Яе сімвалам стала сава, якую народны настаўнік Беларусі Валерый Барашкаў перадаў маладым спецыялістам-педагогам. 

Абласны педагагічны савет «Стратэгічныя арыенціры развіцця сістэмы адукацыі Магілёўскай вобласці» адбыўся сёння ў Палацы культуры вобласці. У традыцыйным жнівеньскім мерапрыемстве прынялі ўдзел кіраўнікі Магілёўскага абласнога выканаўчага камітэта, Міністэрства адукацыі, ВНУ, лідары прафсаюзнага руху, прадстаўнікі сродкаў масавай інфармацыі, грамадскіх арганізацый. На ўрачыстасць былі запрошаныя найлепшыя педагогі Прыдняпроўскага краю, маладыя спецыялісты, ветэраны педагагічнай працы.

Ганаровымі гасцямі сходу сталі кіраўнік Адміністрацыі Прэзідэнта Ігар Сяргеенка, першы намеснік міністра адукацыі Ірына Старавойтава, члены Савета Рэспублікі Нацыянальнага сходу Ігар Каско і Алег Дзячэнка, намеснік старшыні Пастаяннай камісіі Палаты прадстаўнікоў Нацыянальнага сходу па адукацыі, культуры і навуцы Ірына Рынейская, намеснік старшыні Пастаяннай камісіі Палаты прадстаўнікоў Нацыянальнага сходу па міжнародных справах Вольга Петрашова, член Пастаяннай камісіі Палаты прадстаўнікоў Нацыянальнага сходу па правах чалавека, нацыянальных адносінах і сродках масавай інфармацыі Наталля Тарасенка.