У Магілёве выявілі раней невядомае пахаванне мірных жыхароў часоў ВАВ

Падчас расследавання крымінальнай справы аб генацыдзе беларускага народа ў Магілёве ўстаноўлена раней невядомае месца пахавання мірных жыхароў. Вядуцца раскопкі, паведамілі ў службе інфармацыі пракуратуры Магілёўскай вобласці.

«У акце Надзвычайнай дзяржаўнай камісіі меліся згадкі аб фактах фашысцкіх злачынстваў у раёне Казіміроўкі (мікрараён Магілёва), Пашкова і Палыкавічах (прыгарад абласнога цэнтра), дзе ў перыяд Вялікай Айчыннай вайны знішчана больш за 10 тыс. мірных грамадзян, - распавялі ў службе інфармацыі. – Аналіз архіўных дакументаў і далейшыя пошукавыя працы паказалі, што сапраўды ў лясным масіве ў раёне вул. Раўчакова знаходзіцца месца пахавання мірных жыхароў».

На гэты момант па выніках работы 52-га асобнага спецыялізаванага пошукавага батальёна ў адным з месц знойдзены астанкі, якія належаць 10 грамадзянам, а таксама гільзы, фрагменты абутку і адзення.

«Праводжаныя пошукавыя мерапрыемствы сведчаць аб масавым знішчэнні мірных грамадзян у Казіміраўскім лесе. Яма-магіла, у якой знаходзяцца астанкі 10 чалавек, не адзінае месца злачыннай жорсткасці і бесчалавечнасці ў гэтым лясным масіве. Будучыня людзей была знішчана ў адно імгненне. Маладому пакаленню неабходна ведаць пра такія факты, убачанае на свае вочы дазволіць усвядоміць тое, што адбываецца, і не дапусціць праяў нацызму зноў», - адзначыў намеснік пракурора Магілёўскай вобласці Андрэй Волкаў.

Пошукава-палявыя работы працягваюцца.

БЕЛТА