У мастацкім музеі імя П.В.Масленікава прэзентавалі беларуска-расійскі выставачны праект «Абярэжны круг»

Урачыстае адкрыццё беларуска-расійскага выставачнага праекта «Абярэжны круг» адбылося 6 сакавіка ў Магілёўскім абласным мастацкім музеі імя П.У. Масленікава.

Арганізатарамі праекта з'яўляюцца Маскоўскае аддзяленне Саюза мастакоў Расіі, Магілёўскі абласны мастацкі музей пры падтрымцы Расійскай акадэміі мастацтваў, аб'яднанні выставачных залаў Масквы.

У мерапрыемстве прынялі ўдзел намеснік начальніка культуры Магілёўскага аблвыканкама Наталля Пушнова, старшыня ГА «Рускае культурна-асветніцкае таварыства» Людміла Валадзько, старшыня Магілёўскай абласной арганізацыі ГА «Беларускі саюз мастакоў» Антон Ціханавец, мастакі-ўдзельнікі праекта Яна Поклад, Вера Коршунава, Вольга Арлова-Халадкова, Вера Афонская, Канстанцін Халадкоў, Сяргей Афонскі, члены Беларускага саюза мастакоў, госці музея.

Адкрываючы выставачны праект, Наталля Пушнова зачытала прывітальны адрас намесніка старшыні Магілёўскага аблвыканкама Валерыя Малашкі:

«Дарагія сябры! Ад імя Магілёўскага абласнога выканаўчага камітэта і ад сябе асабіста шчыра вітаю ўсіх удзельнікаў і гасцей выставы беларуска-расійскага праекта «Абярэжны круг».

«Абярэжны круг» - гэта асветніцкі праект у сферы культурнага супрацоўніцтва, які служыць прасоўванню традыцыйных славянскіх каштоўнасцей у прасторы Саюзнай дзяржавы Расіі і Беларусі і накіраваны на доўгатэрміновы вынік.

Праект арганізаваны пры падтрымцы Расійскай акадэміі мастацтваў, Аб'яднанні выставачных залаў Масквы.

Жадаю выказаць словы падзякі арганізатарам праекту за прадстаўленую магчымасць жыхарам рэгіёна пазнаёміцца з творамі сучаснага расійскага акадэмічнага мастацтва, прысвечанымі расійскім і беларускім жанчынам, іх фундушу ў агульную жыццёвую, культурную і духоўную прастору. Адметна, што частка расейскіх аўтараў маюць беларускія карані. Сям'я кіраўніка праекта Яны Поклад больш за тры стагоддзі была цесна звязана з Магілёўскай зямлёй.

Спадзяемся на далейшае плённае супрацоўніцтва і рэалізацыю новых цікавых выставачных праектаў.

Жадаю ўсім удзельнікам праекта паспяховай працы, новых творчых дасягненняў і рэалізацыі намечаных планаў і задач».

Член праўлення Маскоўскага саюза мастакоў Расіі Сяргей Афонскі адзначыў, што выставачны праект «Абярэжны круг» пройдзе ў сямі музеях Беларусі.

- Мастак шчаслівы тады, калі яго работы бачаць іншыя, - сказаў Сяргей Аляксандравіч.

Рэстаўратар, дызайнер, член Маскоўскага саюза мастакоў Вольга Арлова-Халадкова прадставіла на выставе «Абярэжны круг» 8 стылізаваных традыцыйных касцюмаў.

- Першы касцюм стварыла 10 гадоў таму, - распавяла расіянка. – Для дадзенай выставы спецыяльна стварыла і беларускі народны касцюм.

- Самая дарагая на выставе для мяне карціна - гэта «Мае дзеці», - падкрэсліла член Маскоўскага саюза мастакоў Вікторыя Афонская. - Я маці чацвярых дзяцей. Усе яны звязалі сваё жыццё з мастацтвам. Трое ўжо вядомыя мастакі, а малодшы сын Арсеній, студэнт 2 курса Сурыкаўскага інстытута - будучы скульптар. Муж таксама мастак.

mogilevnews.by