Фестываль «Беларусь родная, музычная, народная» працягвае знаёміць гледачоў з багатай гістарычнай і культурнай спадчынай, дасягненнямі ў розных галінах, культурнымі і турыстычнымі брэндамі раёнаў Магілёўскай вобласці. З творчымі прэзентацыямі Магілёў ужо наведалі 15 раёнаў.
21 сакавіка ў абласным метадычным цэнтры народнай творчасці і культурна-асветнай работы па вуліцы Першамайская, 10 а 17:30 пачнецца творчая прэзентацыя Магілёўскага раёна: будуць прадстаўлены гісторыя і сучаснасць. Галоўнай падзеяй прэзентацыі стане канцэртная праграма, падзеленая на тэматычныя блокі: «Была вайна», «Як цудоўны гэты свет», «Наша жыццё» і іншыя. Кожны канцэртны блок раскрые пэўныя этапы станаўлення раёна.
Сваю творчасць прадставяць мясцовыя вядомыя выканаўцы: заслужаны аматарскі калектыў ансамбль народнай музыкі і песні «Світанак» раённага Цэнтра культуры; харэаграфічны ансамбль «Ірыскі» і вакальны ансамбль «Праменьчыкі» Вейнянскага філіяла, дзіцячы акадэмічны хор і ансамбль педагогаў Цішаўскага філіяла, народны аркестр духавых інструментаў, харэаграфічны ансамбль «Лёначак» Магілёўскай раённай дзіцячай школы мастацтваў. Л.Л. Іванова і іншыя.
У фае метадычнага цэнтра будзе прадстаўлена творчасць майстроў дэкаратыўна-прыкладнога мастацтва раёна: як традыцыйнае - ткацтва, вышыўка, так і сучаснае.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.08.2025 - 12:26
Тры эскізы спектакляў распрацавалі артысты Магілёўскага тэатра лялек разам з расійскімі калегамі
20.08.2025 - 12:14
Чаму трэба наведаць фестываль народных промыслаў і рамёстваў «Краснапольскі глечык»
19.08.2025 - 15:31
Пейзаж Юлія Клевера «Закат» будзе прадстаўлены ў Магілёве на выставе адной карціны
18.08.2025 - 14:45
Выстава двух вялікіх майстроў жывапісу адкрыецца ў Магілёве 22 жніўня
13.08.2025 - 12:23
Наватарства і крэатыўнасць. НЦСІ пачаў прыём заявак маладых мастакоў на рэспубліканскі конкурс
12.08.2025 - 11:07
Рэгіянальнае свята-кірмаш «Дзень варэння» пройдзе 15 жніўня ў Чэрыкаве