У Шклове развіваюць шорт-трэк

Шорт-трэк з поспехам развіваюць у Лядовым палацы Шклова. Мясцовыя юніёры ўжо перамагалі на этапах кубках свету і Еўропы.

Шорт-трэк пачалі развіваць на магілёўскім стадыёне «Тарпеда» ў 1990-х. Але база для гэтага віду спорту з’явілася толькі 3 гады таму. Калі пабудавалі лядовую арэну ў Шклове, вырашылі: трэніравацца тут будуць не толькі хакеісты.

Наступны год – алімпійскі. Пакуль гэтыя хлапчукі і дзяўчынкі толькі мараць пра самую прэстыжную ўзнагароду, але ўжо ведаюць, як дабіцца поспеху. Для гэтага ў рэгіёне ёсць усё: кваліфікаваныя трэнеры, умовы і, галоўнае, жаданне саміх дзяцей быць самымі хуткімі на кароткай дарожцы.

ТРК «Магілёў»