Рус Бел Eng 中文

У ВНУ Беларусі пачынаюцца ўнутраныя ўступныя іспыты

У ВНУ Беларусі сёння пачынаюцца ўступныя іспыты, што праводзяцца непасрэдна ва ўстановах адукацыі.

Па 21 ліпеня такія іспыты пройдуць у Магілёўскім інстытуце МУС, Універсітэце грамадзянскай абароны МНС; па 26 ліпеня - у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў; па 24 ліпеня - у іншых установах вышэйшай адукацыі. Уступныя іспыты ў ВНУ сельгаспрофілю пройдуць з 18 па 25 ліпеня (вочная форма) і з 6 па 15 снежня (завочная форма).

Залічэнне на бюджэт прадоўжыцца па 28 ліпеня, у сілавых ВНУ - па 24 ліпеня, у творчых - па 28 ліпеня. На платнае аддзяленне ў звычайных ВНУ будуць залічваць па 6 жніўня, у сілавых - па 2 жніўня, у творчых - па 3 жніўня.

Прыём дакументаў на вакантныя бюджэтныя месцы дадатковага набору ў дзённай і завочнай формах у большасці ВНУ пройдзе з 30 ліпеня па 1 жніўня. Інфармацыя аб наяўнасці вакантных месцаў дадатковага набору будзе размешчана на сайтах ВНУ да 29 ліпеня.

Прыём дакументаў на навучанне на ўмовах аплаты ў вочнай (дзённай, вячэрняй) або завочнай, у тым ліку дыстанцыйнай, формах для абітурыентаў, якія не здаюць унутраныя ўступныя іспыты, праводзіцца з 12 ліпеня па 4 жніўня (у сілавыя ВНУ - 12-31 ліпеня, у творчыя - з 12 ліпеня па 2 жніўня). Завершыцца прыёмная кампанія ў ВНУ 6 жніўня - апошні дзень залічэння на платнай аснове.

БЕЛТА

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "грамадства":

12.12.2018 - 09:50 | Рэспубліканскі кірмаш «Калядны гасцінец» пройдзе ў Бабруйску 13-16 снежня

Рэспубліканскі кірмаш «Калядны гасцінец» пройдзе ў Бабруйску 13–16 снежня. Пра гэта паведамілі ў Магілёўскім аддзяленні БелГПП, якое з’яўляецца арганізатарам мерапрыемства.

12.12.2018 - 09:10 | Апёкі 80% цела мужчына атрымаў на пажары ў Магілёве

У Магілёўскай вобласці за мінулыя суткі адбыўся адзін пажар, які ледзь не скончыўся гібеллю мужчыны. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

11.12.2018 - 15:09 | Магілёўская гімназія і кітайская школа падпісалі дагавор аб супрацоўніцтве

Гімназія №4 Магілёва сёння падпісала дагавор аб супрацоўніцтве з кітайскай сярэдняй школай «Зялёны сад» горада Чанша (правінцыя Хунань).

11.12.2018 - 09:03 | Харчаванне работнікаў наладжана практычна ва ўсіх арганізацыях Магілёўскай вобласці, дзе створаны прафсаюзныя пярвічкі

Прафсаюзныя спецыялісты плануюць наведаць усе прадпрыемствы і арганізацыі краіны. Звернуць увагу на якасць прапанаваных у сталовых страў, адпаведнасць аб’ектаў грамадскага харчавання санітарным нормам, іх абсталяванне. На асаблівым кантролі – кошт абедаў.

11.12.2018 - 08:05 | У Беларусі ўзмоцнена дзяржпадтрымка дзяцей-сірот і шматдзетных сем’яў у вырашэнні жыллёвага пытання

У Беларусі прыняты дадатковыя меры па ўзмацненні дзяржаўнай падтрымкі дзяцей-сірот і шматдзетных сем’яў пры будаўніцтве, рэканструкцыі або набыцці жылля.