У восеньскі перыяд у Магілёве высадзяць больш за 9 тыс. дрэў і кустоў

У восеньскі перыяд у Магілёве высадзяць больш за 9 тыс. дрэў і кустоў. У абласным цэнтры актыўна вядуцца пасадачныя работы. Пра гэта распавяла дырэктар КВУП «Магілёўзелянбуд» Крысціна Аўтушкова.

«У восеньскі перыяд у горадзе актыўнымі тэмпамі працягваюцца працы па азеляненні. У гэтым сезоне ў абласным цэнтры плануецца высадка 4, 4 тыс. кустоў, а таксама 4, 7 тыс. дрэў. Яны высаджваюцца на рэканструяваных праспектах і вуліцах, у месцах масавага адпачынку людзей, парках - адзначыла яна. - Усе працы праводзяцца пры спрыяльных умовах надвор'я».

Акрамя гэтага, на гарадскіх кветніках восенню вядзецца высадка цыбульных раслін. «У горадзе высаджана больш за 140 тыс. такіх раслін. Гэта цюльпаны, гіяцынты і крокусы. Больш за ўсё высадзілі цюльпанаў - амаль 122 тыс. цыбулін, - адзначыла дырэктар прадпрыемства. - Такім чынам мы ўжо з восені фармуем гарадскія клумбы, якія па вясне будуць радаваць гараджан і гасцей горада квітнеючымі раслінамі».

Да халадоў горад упрыгожваюць хваёвымі лапкамі: яны прыходзяць на месца цеплалюбівым кветкам, якія размяшчаліся ў разнастайных падвясных і мабільных канструкцыях.

Актыўнымі тэмпамі вядзецца ў горадзе ўборка апалай лістоты. Моцны вецер, які ўжо некалькі дзён назіраецца па ўсёй краіне, працу камунальных службаў толькі паскорыў.